Joomla គឺជាកញ្ចប់កម្មវិធីវ៉ិប ដែលត្រូវបានបង្កើតឡើងដោយប្រើភាសា PHP ដូចនេះវាត្រូវការ Server ដើម្បីដំណើរការ។
ដើម្បីបង្ហោះគេហទំព័រដែលបង្កើតឡើង ដោយប្រើ Joomla យើងត្រូវការ Web Host ប៉ុន្តែសម្រាប់រៀន Joomla យើងអាចធ្វើឲ្យកុំព្យូទ័ររបស់យើងក្លាយជា Web Server និង តំឡើង Joomla នៅក្នុងវា។
ដូចនេះ ដើម្បីតំលើង Joomla នៅលើកុំព្យូទ័រយើងបាន យើងត្រូវការ Web Server with PHP និង MySQL ជាមុនសិន។
តំឡើង Web Server ដោយប្រើ wamp
Wamp គឺជាកម្មវិធីដែលប្រើសម្រាប់បង្កើត web server នៅលើម៉ាស៊ីនកុំព្យ័រ។ នៅពេលដែលយើង តំលើងវារួច យើងនឹងទទួលបាន Apache Web Server, PHP និង MySQL ដែលវាធ្វើការជាមួយគ្នា ដើម្បីឲ្យយើងទទួលបាន Web Server មួយ។
ចុចទីនេះ ដើម្បីទាញយក wamp និង តំលើង បន្ទាប់មកដំណើរការវា។
តំលើង Joomla 2.5
នៅពេលនេះយើងមាន Web Server with PHP និង MySQL រួចហើយ ដូចនេះយើងអាចតំលើង Joomla បានហើយ។ មុនដំបូងយើងត្រូវ ចូលទៅ ទាញយក Joomla 2.5 ជាមុនសិន។ បន្ទាប់យើងបង្កើត Folder នៅក្នុង www មួយឈ្មោះថា LearnJoomlaបន្ទាប់មកទើបពន្លាកញ្ចប់ Joomla ដែលយើងទើបតែបានទាញយក។
ឥឡូវនេះយើងអាច Access ទៅកាន់ folder តាមរយៈ browser ដោយវាយអាស័យដ្ឋាន localhost/LearnJoomla
ឬ
យើងអាចចូលតាមវិធីមួយទៀតដោយចុចលើ icon wamp server → localhost បន្ទាប់មកចុចលើ LearnJoomla។
ដូចនេះ យើងបើក browser បន្ទាប់មកវាយ localhost/LearnJoomla នៅពេលនោះវានឹងបង្ហាញពី ផ្ទាំងសម្រាប់តំលើង Joomla ដែលមាន ៧ ជំហ៊ានដូចខាងក្រោម៖
១. ជ្រើសរើសភាសា បន្ទាប់មកចុច ប៊ូតុង Next
២. វាបង្ហាញពីព័ត៌មានដូចជា ជំនាន់របស់ PHP , MySQL និង ផ្សេងៗទៀត បន្ទាប់មកយើងចុចលើ ប៊ូតុង Next
៣. វាបង្ហាញពីព័ត៌មានផ្សេងៗពីកម្មសិទ្ធិបញ្ញា ហើយដើម្បីទៅជំហ៊ានបន្ទាប់យើងចុចប៊ូតុង Next
៤. ជំហ៊ាននេះគឺទាក់ទងទៅនឹង Database ដែលវាតំរូវឲ្យយើងបំពេញដូចខាងក្រោម
(១) Host Name នៅក្នុងម៉ាស៊ីនកុំព្យូទ័ររបស់យើងគឺ localhost
(២) ជាទូទៅ Username របស់ Server នៅក្នុង localhost គឺ root
(៣) បំពេញលេខកូដសម្ងាត់របស់ localhost ហើយបើសិនជាយើងមិនបានកំណត់ទេនោះវាគឺ ទទេ
(៤) ក្នុងការតម្លើង Joomla យើងមិនចាំបាច់បង្កើត database ជាមុននោះទេ គឺយើងគ្រាន់តែបំពេញ ឈ្មោះ database ដែលយើងចង់បាន ពេលនោះវានឹងបង្កើត database ឲ្យយើងដោយស្វ័យប្រវត្ត។
(៥) គឺជាពាក្យខាងមុខរបស់ table នៅក្នុង database របស់យើង បន្ទាប់ពីយើងបំពេញរួចរាល់ហើយ យើងចុចលើប៊ូតុង Next
៥. ជំហ៊ាននេះគឺ វាអាចឲ្យយើងធ្វើការ configuration ជាមួយនឹង FTP។ ចំនុចនេះដែរ វាមិនមានការ ចាំបាច់នោះទេ ដូចនេះយើងចុចលើប៊ូតុង Next ដើម្បីទៅជំហ៊ានបន្ទាប់។
៦. យើងបំពេញព័ត៌មានផ្សេងៗដូចរូបខាងក្រោម៖
Username និង password ដែលយើងបានបំពេញនេះ យើងប្រើវាសម្រាប់ធ្វើការ login ចូលទៅកាន់ ទំព័រ admin ដើម្បីធ្វើការរៀបចំគេហទំព័ររបស់យើង។
៧. ជាចុងបញ្ចប់នៃការតំលើង យើងត្រូវចុចលើប៊ូតុង Remove Installation Folder។
សំគាល់:
សិនបើ យើងមិនលុប Installation folder ចេញទេ នោះគេហទំព័ររបស់យើងមិនអាចដំណើរការបានទេ។
នៅពេលនេះការតំលើង Joomla របស់យើងទទួលបានជោគជ័យហើយ ហើយដើម្បីចូលទៅកាន់ ទំព័រដើមរបស់គេហទំព័រយើងដែលទើបតែតំលើង យើងបើក Browser រួចវាយ localhost/LearnJoomla
គេហទំព័រដែលយើងទទួលបាននេះ វាមិនទាន់មានទិន្នន័យនោះទេ ហើយរាងរៅ (template ) របស់ វាគឺជារាងរៅ ទូទៅ។ យើងនឹងរៀនអំពីរបៀបតំលើងរាងរៅថ្មី និង ការរៀបចំទិន្នន័យរបស់គេហទំព័ររបស់យើង នៅមេរៀនបន្ទាប់។
.jpg)
.jpg)
